啤酒有幾多酒?

August 7, 2018

 

 

啤酒大家飲得多,但係又有幾多次會睇下自己究竟飲咗幾多酒落肚?
你揀啤酒飲之前除咗睇牌子同style之外,又有冇睇下佢嘅酒精含量?
啤酒應該有幾多酒精?最高可以有幾多??

 


酒精含量通常會以Alcohol by Volume (ABV)嘅形式顯示,舉例話一百毫升入面有十毫升酒精(乙醇)的話,ABV就係10%喇。另外仲有一啲比較少見嘅舊式酒精含量單位例如degree proof(大約係ABV乘二),又或者用啤酒發酵前嘅麥汁嘅含糖量(specific gravity/° plato)嚟大約表示酒精含量。

 

啤酒嘅酒精含量應該係幾多?其實係無任何限制嘅。以本店嘅貨架為例,少至0.3%多至18%嘅啤酒都有出現過㗎。至於世界上最高酒精含量嘅啤酒就係蘇格蘭嘅Brewmeister出嘅Snake Venom,有成67.5%!!! 要做到咁高酒精當然係有做過手腳,因為一般嘅釀酒酵母只能做到20%ABV左右,再高的話佢哋都會比自己造出嚟嘅酒精殺死,所以高於20%嘅酒大部份都係經過蒸餾或者靠低溫凝固之後移除水份(Eisbock method)去提高酒精含量。

 

酒精含量高除咗易啲醉之外,對啤酒嘅味道同口感都有影響架。首先係酒精嘅溫暖感,一般6%ABV以上就開始會有微微嘅暖,去到10%以上就更加明顯,但係如果有烈酒咁既灼熱感就唔應該喇(如果67.5%就可以接受嘅...)。除此之外大部份高酒精度嘅啤酒都會有比較厚嘅酒體同埋黏黏稠稠嘅口感,一來係因為要多酒精自然要更多糖,而發酵完剩低嘅糖亦自然更多。另外就係厚啲酒體可以遮住高酒精度帶嚟嘅刺激感,順滑到令你飲咗都唔覺。
 

 

講到Strong Beer就不得不提比利時啤酒喇,佢哋有好多傳統嘅style例如Tripel同Golden Strong Ale都有8%ABV以上,但係飲落又甜又smooth非常易飲,直頭醉人於無形。佢哋釀呢啲style嘅時候會直接落糖去代替部份嘅麥,咁樣釀出嚟嘅酒就唔會好似糖漿咁,就算夏天飲都唔覺heavy。

 

換句話說,酒精度低嘅啤酒自然無咁full bodied,口感都會比較清爽,大啖大啖咁暢飲就啱晒喇。近年低酒精度嘅啤酒越嚟越流行,每逢你見到一款酒嘅style有'session'或者'table'呢啲字眼,你就知道佢哋係輕鬆易飲嘅light beer。

 

咁講到light beer又有咩代表?就係傳統英式啤酒喇。以English Bitter為例一般都係4%ABV左右,如果高過4.8%已經算係Strong Bitter架喇。莫非係因為英國人酒量淺所以要釀成咁?係咪真係唔飲得就無從判斷,但係釀低酒精嘅酒就有佢哋嘅苦衷嘅,皆因英國嘅酒稅係根據酒精含量同埋用幾多麥嚟收,酒廠為咗保持合理價錢就唯有釀啲低ABV嘅酒。

 唔同酒精度嘅啤酒各有特色,下次揀酒除咗睇牌子睇style之外記住都要留意下ABV喇~

Please reload

Featured Posts

啤酒應該飲樽裝定罐裝?

January 1, 2017

1/3
Please reload

Recent Posts

August 7, 2018

July 3, 2018

February 1, 2018

October 1, 2017

Please reload

Archive